काठमाडौं । सिन्धुलीका २५ वर्षीय खिलबहादुर भुजेलको मिर्गौला भारतमा अवैध रूपमा निकालिएको सनसनीपूर्ण घटनामा संलग्न एक युवकलाई प्रहरीले पक्राउ गरेको छ।
मानव बेचबिखन तथा ओसारपसार अनुसन्धान ब्युरोका प्रमुख कृष्ण पंगेनीका अनुसार, नुवाकोटका समिर परियारलाई काठमाडौंबाट पक्राउ गरिएको हो। परियारमाथि हाल विस्तृत अनुसन्धान भइरहेको ब्युरोले जनाएको छ।
सिन्धुलीको दुधौली नगरपालिका–१ निवासी भुजेललाई पोखराबाट रोजगारीको प्रलोभनमा भारत लगिएको र त्यहाँ पुर्याएर बन्धक बनाई गिरोहले मिर्गौला झिकेको खुलेको छ।
यस घटनाले नेपालको युवा वर्गलाई लक्षित गर्दै सक्रिय तस्कर समूहको धन्दा र सीमापार मानव अंग तस्करीको भयावह पाटो फेरि उजागर भएको छ। यस्ता आपराधिक सञ्जालविरुद्ध सरकारले कडा निगरानी र कारबाहीका उपाय तत्काल अघि बढाउनु आवश्यक देखिन्छ।
>
