काठमाडौं — राष्ट्रिय स्वतन्त्र पार्टी (रास्वपा) ले साउन २३ गते शुक्रबार केन्द्रीय समितिको बैठक बोलाएको छ। पार्टीका प्रवक्ता मनिष झाका अनुसार बैठक शुक्रबार दिउँसो १ बजे पार्टीको केन्द्रीय कार्यालय बनस्थलीमा बस्नेछ।
हाललाई बैठक बोलाउने निर्णय भएपनि छलफलका एजेन्डाहरू भने तय भइसकेका छैनन्। प्रवक्ता झाले बैठकका एजेन्डा बुधबार साँझसम्म टुंगो लाग्ने जानकारी दिए।
यसअघि मंगलबार बसेको पार्टी सचिवालय बैठकमा रुपन्देही–३ मा हुन लागेको उपनिर्वाचनको विषयमा गहिरो छलफल भएको नेताहरूले बताएका छन्।
रुपन्देही–३ को उपनिर्वाचन सन्दर्भमा पार्टीको रणनीति, उम्मेदवार चयन तथा स्थानीय समीकरणबारे छलफल हुन सक्ने अनुमान गरिएको छ। साथै, पार्टीभित्रको आन्तरिक समन्वय, नीति निर्माण र आगामी राजनीतिक रणनीतिसम्बन्धी विषयहरू पनि केन्द्रीय समिति बैठकमा समावेश हुने सम्भावना छ।
बैठकलाई आगामी राजनीतिक कार्यक्रमहरूको दिशा तय गर्ने अवसरको रूपमा पनि हेरिएको छ।
>
