नेपाल सरकारका तीन मन्त्रीसहितको टोली आज मधेश प्रदेशतर्फ जाँदै छ। गृहमन्त्री ओमप्रकाश अर्याल, उद्योग तथा कानुनमन्त्री अनिलकुमार सिन्हा, युवा तथा खेलकुद मन्त्री बब्लु गुप्ता र गृहसचिव रामेश्वर दंगालसहितको टोली प्रदेश राजधानी जनकपुर पुग्ने तयारीमा छ।
सरकारी टोलीले आगामी फागुन २१ गते हुने प्रतिनिधि सभा निर्वाचनको तयारी, शान्ति–सुरक्षा व्यवस्था र प्रशासनिक समन्वयबारे जानकारी लिने बताइएको छ। मन्त्रीहरूको टोली दुई दिन — सोमबार र मंगलबार — मधेश प्रदेशमा रहनेछ।
यस क्रममा उनीहरूले सुरक्षा निकायका कार्यालयहरूको निरीक्षण, सरकारी निकायका प्रमुखहरूसँग अन्तर्क्रिया र प्रदेशस्तरीय समन्वय बैठकमा सहभागी हुने कार्यक्रम छ। साथै, टोलीले जनकपुरमा आयोजना हुने छठसम्बन्धी कार्यक्रममा पनि सहभागिता जनाउनेछ।
>
