स्पानिस ला लिगा अन्तर्गत गएराति भएको खेलमा एट्लेटिको मड्रिडले रियल बेटिसलाई २–० ले हराउँदै महत्वपूर्ण तीन अंक जोडेको छ। बेटिसको घरेलु मैदानमा भएको खेलमा एट्लेटिकोका लागि जिउलियानो सिमिओनी र एलेक्स बाएनाले एक–एक गोल गरे।
खेलको तेस्रो मिनेटमा सिमिओनीले कोकेको पासमा गोल गर्दै एट्लेटिकोलाई अग्रता दिलाएका थिए। त्यसपछि पहिलो हाफको इन्जुरी टाइममा जुलियन अल्भारेजको पासमा बाएनाले अर्को गोल गर्दै अग्रता दोब्बर बनाए।
यस जितसँगै एट्लेटिको मड्रिड १० खेलबाट १९ अंक जोडेर तालिकाको चौथो स्थानमा उक्लिएको छ। यता, समान खेलबाट १६ अंकसहित रियल बेटिस छैटौं स्थानमा छ। ला लिगाको शीर्ष स्थानमा रियल मड्रिड २७ अंकसहित अग्रस्थानमा रहेको छ भने बार्सिलोना २२ अंकसहित दोस्रो र भियारियल २० अंकसहित तेस्रो स्थानमा छन्।
>
