काठमाडौं । उपेन्द्र सुब्बा निर्देशित बहुप्रतीक्षित फिल्म जारी २ : सङ अफ च्याब्रुङ को टिजर सोमबार सार्वजनिक गरिएको छ।
सन् २०२३ मा रिलिज भएको सुपरहिट फिल्म जारी ले बक्सअफिसमा १७ करोडभन्दा बढी कमाइ गरेको थियो। त्यसको दोस्रो श्रृंखलामा फेरि दयाहाङ राई र मिरुना मगरको कथालाई लिम्बु सांस्कृतिक प्रतीक ‘च्याब्रुङ’ वरिपरि घुमाइएको छ।
टिजरमा लिम्बु पहिचान, दयाहाङ–मिरुनाका नोकझोंक, विजय बराल र रेखा लिम्बुको संवाद, र अन्त्यमा ऋचा शर्माको सरप्राइज केमियो देखाइएको छ।
रामबाबु गुरुङ, मधु मिजार र जीवन गुरुङ निर्मातामा रहेको यो फिल्म दशैंसँगै संविधान दिवसको अवसरमा, असोज ३ गतेदेखि विश्वभर प्रदर्शन हुने तयारीमा छ।
>
