काठमाडौं । अहान पाण्डे र अनित पड्डा स्टारर बलिउडको रोमान्टिक फिल्म ‘सैयारा’ हलमा मात्र होइन, ओटीटी प्लेटफर्म नेटफ्लिक्समा पनि कीर्तिमान रचेको छ। रिलिज भएको पाँच दिनमै यो फिल्म नेटफ्लिक्समा सर्वाधिक हेरिने गैरअंग्रेजी फिल्म बनेको छ र शीर्ष १० सूचीको पहिलो स्थानमा पुगेको छ।
२ घण्टा ३० मिनेटको यो फिल्म मोहित सुरी निर्देशित हो र १२ सेप्टेम्बरमा नेटफ्लिक्समा रिलिज भएको थियो। रिलिजको पाँच दिनमै शीर्ष स्थानमा पुग्नु यस फिल्मको अनौठो सफलता मानिएको छ।
नेटफ्लिक्समा देखिएको यो क्रेज बलिउड फिल्महरूको ओटीटी बजारमा अभूतपूर्व लोकप्रियता भएको संकेत हो।
>
