काठमाडौं । आइतबार सुन र चाँदीको मूल्यमा उल्लेख्य वृद्धि देखिएको छ। नेपाल सुनचाँदी व्यवसायी महासंघका अनुसार छापावाल सुनको मूल्य तोलामा २,३०० रुपैयाँले बढेर १ लाख ९७ हजार ५०० रुपैयाँ पुगेको छ।
यसअघि शुक्रबार सोही सुनको मूल्य तोलामा १ लाख ९५ हजार २०० रुपैयाँ कायम थियो। शनिबार महासंघले मूल्य तोक्ने अभ्यास नगरेको थियो।
त्यस्तै, चाँदीको मूल्यमा पनि वृद्धि देखिएको छ। शुक्रबार तोलामा २ हजार ३१० रुपैयाँ कायम भएको चाँदी आइतबार बढेर २ हजार ३५० रुपैयाँ पुगेको छ।
मुद्राको मूल्य वृद्धिसँगै सुन–चाँदीमा लगानी गर्ने वा किनबेच गर्ने व्यक्तिहरूले सतर्क रहनु पर्ने देखिन्छ।
>
