बलिउड अभिनेता सतीश शाह शनिबार हिन्दुजा अस्पतालमा निधन भएका छन्। उनी ७४ वर्षका थिए र लामो समयदेखि मिर्गौलाको समस्याबाट पीडित थिए। हालसालै मिर्गौला प्रत्यारोपण गरिएको थियो।

शाहले टिभी कार्यक्रम साराभाई भर्सेस साराभाई बाट लोकप्रियता कमाएका थिए। उनले मैं हूँ ना (२००४), कल हो ना हो (२००३), फना (२००६), र ओम शान्ति ओम (२००७) लगायतका धेरै चर्चित फिल्ममा अभिनय गरेका थिए। सन् २००८ मा अर्चना पुरण सिंहसँग कमेडी सर्कसमा न्यायाधीशको रूपमा समेत काम गरेका थिए।

प्रधानमन्त्री नरेन्द्र मोदीले शाहको निधनमा शोक व्यक्त गर्दै ट्वीट गरेका छन्। मोदीले लेखेका छन्, ‘सतीश शाह जीको निधनले अत्यन्तै दुःखी छु। उनी भारतीय मनोरञ्जनका दिग्गज थिए र उनका हास्य प्रतिभा र प्रदर्शनले अनगिन्ती जीवनमा मुस्कान ल्यायो। उनका परिवार र प्रशंसकप्रति समवेदना व्यक्त गर्दछु।’

शाहको पार्थिव शरीर अस्पतालमै राखिएको छ। अन्तिम संस्कार आइतबार बिहान ११ बजे गरिने भारतीय सञ्चारमाध्यमले जनाएका छन्।